Google ADS

Armatimi që u gjet dje në Banjskë ishte fshehur në banjon e hotelit

10:08 | 17 Gusht 2024
E.K

Policia e Kosovës ka kryer një kontroll shtesë të premten në hotelin “Rajska Banjskë” në fshatin Banjskë të Zveçanit, ku janë zbuluar armë dhe pajisje ushtarake.

Zëvendësdrejtori i Policisë së Kosovës për rajonin e veriut, Veton Elshani, ka njoftuar se këto prova materiale ishin aty që nga sulmi terrorist i 24 shtatorit në Banjskë.

Sipas raportit 24-orësh të policisë, armatimi dhe pajisjet ushtarake ishin fshehur në banjon e hotelit.

“Fsh. Banjskë, Zveçan 16.08.2024 – 15:15. Njësiti i hetuesisë gjatë kontrollit në banjon e një hoteli ka gjetur dhe konfiskuar: një AK-47, katër karikatorë, 103 fishekë kalibrash të ndryshëm, kapelë, bluza dhe pantallona ushtarakë, një thikë, shallë ushtarake, antiplumb me pajisje tjera. Rasti duke u hetuar”, thuhet në raport./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm